Танилцуулга видео
Бидний тухай
“Energy Hills Resort” соёл, амралт, жуулчлалын газар нь 2023 оны долоодугаар сараас үйл ажиллагаа явуулж эхэлсэн.
Улаанбаатар хотын төвөөс 54км зайнд байгалийн өвөрмөц тогтоц бүхий Горхи-Тэрэлжийн Онгоцдын аманд байрладаг.
Үйлчлүүлэгчдийн сонирхолд нийцэхүйц орчин үеийн болон үндэсний соёлыг илэрхийлсэн амрах хэсгүүд болон чөлөөт цагаа өнгөрүүлэх сонголтуудыг бүрдүүлсэн.
Манай ресортын үйлчилгээ:
Үйлчлүүлэгчдийн сонирхолд нийцэх гурван төрлийн 12 байшин Үндэсний соёлыг орчин үетэй хослуулсан дизайн бүхий арван долоон цомцог гэр 100-120 хүнийг хүлээн авах багтаамжтай ресторан 50 гаруй төрлийн Монгол Европ хоол
Мөн та манай амралтанд ирснээрээ Горхи-Тэрэлжид байрлах түүхэн газар үзвэрүүдийг үзэх боломжтой:
- Гүнжийн сүм
- Нийслэл хүрээний анхны туурь, хөшөө
- Мөнгөт цохио буюу Мэлхий хад
- Занабазарын зурсан бурхан
- Агуй хад
- Арьяабалын сүм
- 100 ламын агуй
- Сарьдгийн хийд
- Хүүхэн уул
- Хардаг хад
- Болорын агуй
- Гялалзахын энгэр
- Хагийн хар нуур
- Асралт хайрхан
- Хан Хэнтийн дархан цаазат газар
- Туул гол болон Тэрэлжийн голын уулзвар
- Зэрлэг байгаль дахь бор баавгай, зэрлэг гахай, чоно болон 250 төрөл зүйлийн шувуудийг харах боломжтой.
Бидний алсын хараа
Бид Монгол Улсын аялал жуулчлалын салбарт унаган байгалийн гоо үзэсгэлэн, орчин үеийн дэвшилтэт технологи, үйлчилгээний өндөр стандартыг хослуулсан, үйлчлүүлэгчдийн хүлээлтийг давсан үйлчилгээ үзүүлдэг, үлгэр жишээ байгууллага болохыг зорьдог. Бидний алсын хараа нь Монгол Улсыг дэлхийн аялал жуулчлалын зах зээлд тодорхой байр суурь эзлэхэд хувь нэмэр оруулж, байгаль орчинд ээлтэй, тогтвортой хөгжлийн үзэл баримтлалыг өргөжүүлэхэд оршино.
Бидний зорилго
Бид Монгол Улсын байгалийн үзэсгэлэнт газруудад тав тухыг эрхэмлэгч, орон нутгийн иргэдийн оролцоог дэмжсэн, өндөр чанартай, олон улсын стандартад нийцсэн аялал жуулчлалын үндэсний сүлжээг бий болгохыг зорьж байна. Энэ зорилгоороо дамжуулан бид нутгийн ард иргэдийн амьжиргааг дээшлүүлэх, соёлын өвийг хамгаалах, болон орон нутгийн эдийн засгийг хөгжүүлэхэд хувь нэмрээ оруулна.
Байгууллагын үнэт зүйлс
Хүндэтгэл - Бид унаган байгальдаа, Монголын соёлын өв болон уламжлалд, мөн хамтран ажиллагсдад болон үйлчлүүлэгчдэдээ гүн хүндэтгэлтэй ханддаг. Үйл ажиллагаандаа байгаль орчны тэнцвэрийг хадгалах, эерэг нөлөө үзүүлэхийг нэн тэргүүнд тавьж, урт хугацааны тогтвортой хөгжлийг дэмжин ажиллана.
Ёс зүй - Бидний бүхий л үйл ажиллагаа шударга, үнэнч байдал, ёс суртахуунтай уялдаж байх ёстой. Бид бүтээгдэхүүн, үйлчилгээгээ чанартай, шударга байдлаар хүргэж, үйлчлүүлэгчдийн итгэлийг олж авахыг зорьж ажилладаг.
Хамтын зүтгэл - Бид оролцогч талуудын хамтын ажиллагаа, харилцан ойлголцлыг чухалчилдаг. Байгууллагын дотоод, гадаад харилцааг сайжруулах, орон нутгийн иргэдтэй нягт хамтран ажиллах замаар амжилтад хүрнэ гэж итгэдэг.
Хариуцлага - Бид бүхий л шийдвэр, үйлдэлдээ хариуцлагатай хандаж, байгаль орчинд ээлтэй, нийгэмд тустай үйл ажиллагаа явуулахыг зорьж ажиллана. Бидний хариуцлага нь үйлчлүүлэгчид, хамтран ажиллагсад, орон нутаг болон дэлхийн нийгэмд чиглэдэг.
